深水埗平價抵食沙律餐

深水埗平價抵食沙律餐

最近愛上咗食沙律午餐。以前總覺得中西區先至可以食到豐富嘅沙律午餐,估唔到原來深水埗都有唔少選擇,而且菜靚價平,好抵食!

雖然我都鍾意食 Caesar Salad,但凱撒沙律只得一款羅馬生菜,唔夠好。如果有得揀,我會揀有多款沙律菜混合的沙律餐,可以吸收到多種類的營養,又可以有唔同嘅味覺刺激,食落無咁悶。

公司附近有間餐廳叫做 Tino’s Pizza,餐廳如其名,主打 Pizza。幾年來,偶然去食吓,直到最近先知佢嘅沙律餐碟菜咁大碟,啱晒我!早啲知道就好了!遲知好過唔知,而家開始食多啲。我係飯桶啲friend,如果個餐份量太少,食唔飽嘅話,下午我會出現類似血糖偏低的症狀,如手腳無力、冒汗等。回想起來,可能係因為平時我的身體太過依賴白飯供應能量。

Having a great salad lunch set at Tino's Pizza, a restaurant located in Sham Shui Po district of Hong Kong.

同事問我點解最近成日食沙律餐,我笑說只是單純想「食少啲飯;食多啲草」。通常食完午飯都會好眼瞓,所謂「飯氣攻心」,因為白飯嘅升糖指數 Glycemic Index 高,血糖升得快又跌得快,好易覺得攰。食沙律餐就唔會有呢種疲倦感,下午工作效率都高啲。

甚麼是升糖指數 Glycemic Index?
(醫院管理局 – 營養資訊網)
https://www3.ha.org.hk/dic/sdn_02_09.html

如果當日沙律餐配雞胸肉就最好,少油少脂。試過有一次落咗單,過一陣侍應話廚房無晒雞扒,改成手撕雞肉得唔得?梗係得啦!有肉就得,齋食菜又真係好寡。又試過一次當日沙律餐配炸魚柳,脆卜卜又香口,梗係好食,但就變咗高油高脂,最好避免。

Another good choice of salad lunch set at Fifty Fifty, a restaurant located in Sham Shui Po district of Hong Kong.

另外有一間餐廳叫做Fifty Fifty,最近第一次去,當日沙律餐配半生熟牛肉,薄切牛肉嫩滑,有餐湯,有餐飲,再加一件小芝士蛋糕,埋單只係$50!免加一。保留堂食收據,3日內憑收據叫外賣,照價8折再95折,當下心諗:咁平!點賺錢?

唔知 office 附近仲有無其他餐廳供應咁好嘅沙律餐呢?要繼續發掘一下。

發佈留言

發佈留言必須填寫的電子郵件地址不會公開。 必填欄位標示為 *