自動草稿

家中閱讀器再添一員 Kobo Clara HD

趁著 2 月 Kobo 香港減價推廣,終於買了 Clara HD,開心。6 吋機,每日放在背包帶住出門,搭巴士拎上手睇,真的非常小巧輕便。用 e-ink 屏幕睇書,比起睇手機屏幕真係舒服好多。

家用8吋 出街用6吋

已有 Kobo Forma,為何要多買一部 Kobo Clara HD 呢?一字記之曰:懶。

因為 COVID 疫情持續,但凡帶過出街的物品,返到屋企要拎出來用,定必先用酒精拭抹消毒,諸如手機屏幕、手機外殼,係最基本。如果帶 eReader 出去,每晚返屋企都要抹一次,自覺無咁好耐性,亦因為 Kobo Forma 在家一直裸機使用,無用保護套,無保護貼,乜都無,所以唔捨得帶佢出街。

買一部 Kobo Clara HD 出門專用,每日放在背包,搭巴士拎出來睇,在 office 午飯時睇,睇完放入背包,回家絕對不拿出來,要睇書就用家裡的 Kobo Forma,乾手淨腳。

大小屏幕各有各好

純個人感覺而言,我喜歡 Clara HD 多過 Forma,因為機身小巧,握在手上感覺很好。在車上拿出來,收回去,輕鬆就手。我平常主要睇文字類電子書,即使屏幕小,文字可以調大,閱讀同樣舒適。多圖的書就在家用 Kobo Forma 睇。

原廠皮套薄得夠硬

要帶機出街,點都要加個套,保護屏幕。今次睇中咗 Clara HD 原廠皮套,薄得嚟夠厚(我講緊啲乜)。買機之前,曾經上網搵過副廠皮套,但每一款都很厚重,抹殺了 Clara HD 的窈窕身材。

原廠皮套也不算輕,大約 108g,係 Clara HD 機身重量的三分之二(Clara HD 重 166g),但至少佢夠薄,但薄得嚟個 cover 有少少厚度,夠硬淨,足夠保護屏幕不會被背包內的其他東西砸到。皮套 cover 亦可以屈折豎立,但結果我都係用其他支架托起部機,唔捨得屈個 cover(剛剛買係矜貴啲)。

終於可以方便截圖

原廠皮套當然不會缺少屏幕喚醒功能,可以方便我做截圖分享,又不用把設定檔改來改去。關於 Kobo 截圖功能的使用方法,可以參考這一篇文章:

為何不買 Kobo Nia?

Kobo Nia 與 Clara HD 同樣係6吋機,但 Nia 的屏幕解像度只有 212 ppi,對於睇慣 300 ppi 的我來說,可以想像到會非常不習慣。如果要在 Kobo Nia 和 Clara HD 之間做選擇,我覺得講白啲就係是否願意多付 $400 去買「每一隻字睇落都較為圓潤,而且使用介面反應和換頁速度比較爽快俐落」這種使用感受。

用 Kobo Nia 睇文字類的書其實已很足夠,如果之前從未買過 eReader,作為入門第一部機,而又打算集中在 Kobo 平台買電子書,Kobo Nia 是非常理想的入門機。我是老用家了,寧願多付點錢,買最好的。

【優惠套組】Clara HD 6吋電子書閱讀器+原廠配件黑、紅、藍選一 300ppi高畫質螢幕X自動調光功能X 8G容量 搭配原廠保護殼質感、功能升級✈免運優惠中

發佈留言

發佈留言必須填寫的電子郵件地址不會公開。 必填欄位標示為 *