變更信用卡組合增加回贈

信用卡變陣增加簽賬回贈

最近被迫cut卡,這才認真去研究不同信用卡的回贈率,發現自己過往的消費模式錯過了不少回贈,深感要賺錢真係唔可以懶。大錢小錢都是錢,從日常消費中賺回小錢,值得花些少時間去重新定立消費工具組合。

信用卡迎新優惠回贈有學問

有唔少人都會攞完信用卡迎新優惠之後,cut卡,等過冷河(6個月至1年),再申請,又攞多一次迎新獎賞。我一直懶得去做這件事,所以過去幾年以來,只是忠實地用某銀行的信用卡去賺 1.5% 簽賬回贈。

直到上個月,信用卡月結單出現了$2,000年費的項目,打電話去信用卡熱線想要申請年費豁免,遭到拒絕。我就直說我負擔不起這個金額的年費,要求取消信用卡。客戶服務員很體貼地提醒我,卡內還有$950的現金回贈,提議我先到銀行網站做了兌換手續,再打上熱線cut卡。

由於舊信用卡連繫了不少自動轉賬的繳費項目,還有八達通增值,一邊處理,一邊比較不同信用卡的回贈,方知市面上有咁多選擇。整理過程中,順便用DBS信用卡攞埋PayMe增值$500回贈$30的優惠(相等於6%回贈)。

DBS e-wallet rebate

最後,總共cut了3張卡,又申請了3張卡,開始有點明白為何有人如此熱衷每隔一兩年就換新的信用卡。話晒每張信用卡的迎新優惠都接近$1,000甚至超過$1,000,真金白銀,可以當錢用。

改用 EarnMORE 自動增值八達通

用咗好多年Citi八達通信用卡,最近車費回贈加到15%,看似吸引,但要每月簽賬$3,000(撇除八達通增值),再以我的每月車費$600計算,回贈$90,比率只是3%。估算過後,決定改用一般八達通,綁 EarnMORE 信用卡自動增值,沒有每月零售簽賬要求,已有2%回贈;配埋八達通錢包,用八達通卡去增值八達通錢包,再回返錢去銀行戶口,加埋日常消費和交通支出,已經可以每月輕鬆回贈$90以上。刷到八達通錢包餘額太多,可以用來增值家人的八達通。睇EarnMORE小冊子話交保費都有回贈,唔知係咪一樣2%呢?等到8月份保單到期年繳,可以試吓。

Add value to your Octopus Wallet via the Octopus Card

新的信用卡使用配置

因為我本身已有一些銀行的信用卡,無法獲得迎新優惠,所以有些信用卡沒有選上。最近嘗試了以下的信用卡組合,暫時來說效果不錯。

用 ZA Card(扣賬卡)做自動轉賬繳付:
Netflix月費、手機月費、寬頻月費(回贈 % 不固定,可多可少)

EarnMORE 信用卡:八達通自動增值 2% 回贈

建行京東信用卡:經 Alipay 交電費 4% 回贈(5月1日更新了信用卡條款,不知是否有影響。尚未確認。)

中銀 i-card:網購 / 手機支付簽賬 4% 回贈

恒生 enjoy 卡:惠康購物賺3X積分= 1.5%回贈,又可以用積分兌換IKEA或惠康現金券。

用ZA做自動轉賬繳費碰運氣

最近一次用 ZA Card 自動轉賬繳付 Netflix 月費 $93,抽中回贈21%,慳咗$20。將手機月費改埋用ZA Card自動轉賬,又抽中13.3%回贈。我覺得呢個用法唔錯!當然,抽獎式回贈有機會係1%,用唔用就自己決定。

Netflix monthly fee rebate by ZA Card

按此申請 ZA Bank 戶口 或在 ZA Bank App 申請時輸入邀請碼「JG5654」。要先開戶口,然後才可申請 ZA Card。

用到月尾才換八達通

如果好似我咁要換八達通,記得要用到月尾,等到下個月15號,領埋交通補貼,用埋餘額,先至cut卡。我的舊卡用到4月30日,用埋KMB 1933 App的400積分,換咗30個口罩,就暫時唔用住。由5月1日開始,用新的八達通卡搭車。記得開返 KMB 1933 App 登記新的八達通卡號碼,繼續儲分。偶然發現,新登記的八達通,積分由200起跳,應該好快又儲夠400分換口罩,或可以儲夠800分換巴士模型。等到5月15日,拿舊卡去攞埋4月份的交通補貼,日常消費順便用埋這些補貼餘額,到時就可以cut卡。

KMB fun redemption

九巴x龍運FUN分賞(至2021年6月30日)

4 thoughts on “信用卡變陣增加簽賬回贈

    1. 不會有確認;會從ZA戶口裡的餘額直接扣賬,所以要確定戶口裡有足夠的錢讓自動轉賬順利進行。

      我都試過忘記存錢入去,令 Netflix 月費過唔到數,幾日之後,用電視開 Netflix 就跳出畫面,話我未付款,問我是否續訂,我按「是」,就見到 ZA 過數,然後可以如常使用 Netflix。

發佈回覆給「Chung」的留言 取消回覆

發佈留言必須填寫的電子郵件地址不會公開。 必填欄位標示為 *